Cristiano Ronaldo er orðinn 37 ára gamall en hann hefur lengi verið einn allra besti knattspyrnumaður heims.
Ronaldo er kominn á síðari ár ferilsins en í dag spilar hann með Manchester United.
Ronaldo tjáði sig um eigin framtíð í gær þar sem hann greindi frá því að hann væri að stefna að því að spila á EM 2024.
Ronaldo verður með Portúgal á HM í Katar í lok árs og bjuggust margir við að það yrði hans síðasta stórmót.
,,Ég verð á HM og ég vil einnig ná að spila á EM,“ sagði Ronaldo sem verður 39 ára gamall er EM fer fram.
Hann stefnir því alls ekki að því að leggja landsliðsskóna á hilluna eftir gríðarlega farsælan feril.