Luis Suarez verður aftur án félags í lok október þegar samningur hans við Nacional í heimalandinu er á enda.
Suarez samdi við félagið í haust en þegar tímabilið er á enda í Úrúgvæ verður Suarez án félags.
Suarez hafði þar á undan spilað fyrir Atletico Madrid en fékk ekki nýjan samning á Spáni. Möguleg endurkoma til Liverpool hefur verið til umræðu.
„Suarez fer þegar úrvalsdeildin hér endar, hann fórnaði miklu til að spila með okkur,“ segir forseti Nacional.
Suarez er 35 ára gamall en hann átti frábær ár hjá Liverpool áður en hann fór til Barcleona árið 2014.