Fjórði þátturinn af Besta þættinum kom út í dag. Þar eru leikmenn og stuðningsmenn félaga í Bestu deildinni paraðir saman í tveggja manna lið á móti pari annars liðs.
Liðin svara spurningum um sitt eigið félag og reyna svo að safna fleiri stigum með því að sparka bolta í gegnum göt á segldúk sem er búið að strengja yfir mark. Stjórnandi þáttana ætti að vera Íslendingum góðukunnur en það er enginn annar en Jón Jónsson þrefaldur Íslandsmeistari með FH og tónlistarmaður.
Í þessum fjórða þætti mætast Fram og Stjarnan. Hreimur Örn Heimisson söngvari og Guðmundur Magnússon, leikmaður Fram, taka þátt fyrir þeirra hönd en fjármálaráðherra, Bjarni Benediktsson og Katrín Ásbjörnsdóttir, leikmaður Stjörnunnar taka þátt fyrir hönd Garðbæinga.
Hér að neðan má sjá þáttinn.