Georginio Wijnaldum er genginn í raðir ítalska félagsins Roma en hann kemur til félagsins frá Paris Saint-Germain.
Þetta var staðfest í gærkvöldi en miðjumaðurinn skrifar undir lánssamning út tímabilið í Róm.
Þar mun Wijnaldum spila undir stjórn Jose Mourinho sem er að smíða ansi skemmtilegt lið fyrir komandi tímabil.
Wijnaldum er þekktastur fyrir tíma sinn hjá Liverpool en hann náði aldrei hæstu hæðum hjá PSG.
Roma mun borga PSG fimm milljónir evra fyrir leikmanninn í eitt ár og borga 50 prósent af hans launum.
