Á komandi leiktíð í enska boltanum munu leikmenn aðeins krjúpa á hné fyrir leiki við sérstök tilefni. Þetta var ákveðið á fundi fyrirliða liða í ensku úrvalsdeildinni.
Leikmenn í ensku úrvalsdeildinni fóru fyrst að gera þetta sumarið 2020, þegar enska úrvalsdeildin sneri aftur eftir langt hlé vegna kórónuveirunnar.
Er þetta gert til að sína réttindabaráttu svartra stuðnings. Kveikjan að þessu varð þegar George Floyd var myrtur af lögreglumanninum Derek Chauvin í Minneapolis í Bandaríkjunum. Floyd var dökkur á hörund.
Nú verða sérstakar umferðir þar sem leikmenn munu krjúpa fyrir leiki, auk þess þegar það eru stór tilefni, líkt og úrslitaleikir enska bikarsins og deildabikarsins.
