Eiður Ben Eiríksson hefur tekið að sér nýtt starf og mun hann sinna því á Akureyri.

Þetta kemur fram í tilkynningu KA í kvöld en Eiður mun þjálfa 3. flokk félagsins og tekur við af Óskari Bragasyni.

Eiður hóf sumarið sem þjálfari Þróttar Vogum en hafði áður gert það gott sem þjálfari meistaraflokk Vals í kvennaflokki.

Það gekk ekki nógu vel með Þrótt í sumar og eftir erfitt gengi var Eiður látinn fara.

Tilkynning KA:

iður Ben Eiríksson tekur við 3. flokk karla hjá okkur KA-mönnum í byrjun ágúst og þá mun hann koma inn í þjálfarateymi í öðrum flokkum félagsins í haust. Óskar Bragason var aðalþjálfari flokksins en hann lét af störfum á dögunum til að taka við liði Magna Grenivík.

Fannar Freyr Gíslason verður áfram í þjálfarateymi flokksins en gengi 3. flokks í sumar hefur verið mjög gott og tekur því Eiður við spennandi hóp.

Eiður Ben er 31 árs og hefur hann frá unglingsárum starfað við þjálfun. Í vetur var hann þjálfari meistaraflokks Þróttar Vogum en þar á undan var hann í þrjú ár hjá Val. Hjá Val var hann yfirþjálfari yngri flokka og meistaraflokksþjálfari hjá kvennaliði Vals. Eiður stýrði Val til Íslandsmeistaratitils síðasta haust sem og sumarið 2019.

Eiður er með UEFA A þjálfaragráðu og UEFA Youth Elite A ásamt því að vera í UEFA Pro námi sem er hæsta þjálfaragráða sem hægt er að fá. Þá kláraði hann einnig Sports Management frá Johan Cruyff Institute. Það er því mikill fengur að fá þennan reynslumikla og hæfa þjálfara til félagsins og erum við afar spennt fyrir samstarfinu með Eið. Velkominn norður!