Thomas Tuchel, stjóri Chelsea, er mikill aðdáandi Cristiano Ronaldo en þetta kemur fram í frétt Sky Sports.

Eins og gefur að skilja á Ronaldo marga aðdáendur um allan heim en hann er einn besti leikmaður sögunnar.

Samkvæmt Sky þá myndi Tuchel vilja vinna með Ronaldo sem er orðaður við enska félagið í dag.

Ronaldo er að reyna að komast burt frá Manchester United en hann vill spila í Meistaradeild Evrópu.

Tuchel þekkir það vel að vinna með stórstjönum en hann var áður hjá PSG þar sem stjörnurnar Neymar og Kylian Mbappe spila.

Chelsea er að skoða þann möguleika að fá Ronaldo sem er einnig orðaður við Ítalíu.