Dennis Hadzikadunic, leikmaður Malmö, lét ófögur orð falla um Kristal Mána Ingason eftir leik við Víking í kvöld.

Víkingar töpuðu 3-2 gegn Malmö í Meistaradeildinni þar sem Kristall fékk að líta rauða spjaldið.

Sóknarmaðurinn fékk tvö gul spjöld og það seinna var mjög umdeilt og fyrir að ‘sussa’ á stuðningsmenn heimaliðsins.

Hadzikadunic er á því máli að spjaldið hafi verið rétt en hann ræddi við Expressen eftir leikinn.

,,Ég gat ekki einu sinni skilið hvað átti sér stað,“ sagði Hadzikadunic.

,,En miðað við stöðu leiksins þá var þetta ótrúlega heimskulegt af honum, hann kom sínu liði í skítinn.“