Cristiano Ronaldo hefur beðið um að fá að yfirgefa lið Manhcester United í sumar en þetta fullyrðir the Times í ansi athyglisverðri frétt í dag.

Þessi 37 ára gamli leikmaður er sagður vera heltekinn af því að spila í Meistaradeildinni, eitthvað sem gerist ekki hjá Man Utd í vetur.

Portúgalinn telur sig eiga þrjú til fjögur ár eftir í hæsta gæðaflokki og vill nýta þau ár til að bæta í verðlaunaskápinn.

Ronaldo vill að Man Utd samþykki tilboð í sig skyldi það berast í sumar en hann kom aðeins til félagsins aftur fyrir síðustu leiktíð.

Ronaldo hefur hins vegar aldrei spilað í Evrópudeildinni á sínum ferli og hefur engan áhuga á að byrja á því á þessum aldri.

Þrátt fyrir aldurinn skoraði Ronaldo heil 18 mörk í 30 deildarleikjum á síðustu leiktíð.