Frenkie de Jong er áfram efstur á óskalista Manchester United fyrir sumarið. Félagið undirbýr nú nýtt tilboð í hann ef marka má frétt Manchester Evening News.
Man Utd bauð á dögunum 51,6 milljónir punda auk bónusgreiðslna síðar meir. Því var þó hafnað á dögunum.
Barcelona vill ekki fá minna fyrir miðjumanninn en félagið borgaði Ajax fyrir þremur árum, 65 milljónir punda.
Talið er að Barcelona vilji 65 milljónir punda strax, auk greiðslna síðar meir fyrir leikmanninn, eigi félagið að selja.
Erik ten Hag er nýr stjóri Man Utd og vinnur hann að því að endurbyggja liðið eftir slæmt gengi á síðustu leiktíð.
De Jong vann með ten Hag hjá Ajax. Þeir voru til að mynda saman hjá Ajax er liðið fór alla leið í undanúrslit Meistaradeildar Evrópu fyrir rúmum þremur árum.
