Konan sem kærði Aron Einar Gunnarsson og Eggert Gunnþór Jónsson fyrir nauðgun hefur kært niðurfellingu málsins. Fréttablaðið segir frá og vitnar í Ómar Smárason fjölmiðlafulltrúa KSÍ

Konan lagði fram kæru síðasta haust og sakaði Aron og Eggert um að hafa nauðgað sér í kjölfar landsleiks í Kaupmannahöfn árið 2010. Héraðssaksóknari felldi málið niður fyrr í þessum mánuði.

Málið fer nú á borð ríkissaksóknara sem tekur málið fyrir og skoða hvaða skref í málinu skal taka.

Aron Einar er leikmaður Al-Arabi í Katar en hann hefur verið úti í kuldanum hjá íslenska landsliðinu eftir að málið kom upp. KSÍ hefur gefið út reglur sem útiloka þáttu Arons í komandi landsliðsverkefni.

„Stjórn KSÍ samþykkti að haft sé að leiðarljósi það meginviðmið, þegar mál einstaklinga eru til meðferðar hjá rannsóknar- eða ákæruvaldi og/eða samskiptaráðgjafa, vegna meintra alvarlegra brota, að þá skuli viðkomandi stíga til hliðar í hlutverki sínu hjá KSÍ á meðan meðferð máls stendur yfir. Það gildir jafnt um dómara, þjálfara, leikmenn, forystumenn, starfsmenn og aðra þá sem eru innan KSÍ,“ segir í nýjum reglum KSÍ.

Eggert Gunnþór Jónsson er leikmaður FH en honum var gert að stíga til hliðar um miðjan apríl vegna málsins. Hann snéri aftur í lið FH eftir að héraðssaksóknari felldi málið niður.