Bayern Munchen tók á móti Greuther Furth í Bundesliga, efstu deild þýska boltans í dag.
Branimir Hrgota kom gestunum yfir á 43. mínútu og leiddu þeir í hálfleik.
Robert Lewandowski jafnaði metin fyrir Bayern snemma í seinni hálfleik og eftir rúman klukkutíma leik voru heimamenn komnir yfir þegar Sebastian Griesbeck setti boltann í eigið net.
Lewandowski fór langt með að tryggja Bayern sigur með sínu öðru marki á 82. mínútu. Í uppbótartíma innsiglaði Eric Maxim Choupo-Moting 4-1 sigur Bæjara.
Bayern er á toppi deildarinnar með 55 stig, 9 stigum á undan Dortmund.
