Þorsteinn Halldórsson landsliðsþjálfari kvenna segist ekkert hafa rætt við Söru Björk GUnnarsdóttur leikmann Lyon undanfarið.
Sara fæddi sitt fyrsta barn undir lok síðasta árs en er mætt til Frakklands til Lyon en hún er ekki byrjuð að æfa af fullum krafti samkvæmt Þorsteini.
Aðspurður að því hvort hann hefði heyrt hljóðið í Söru Björk Gunnarsdóttur, segist Þorsteinn ekki hafa gert það.
,,Nei ég hef ekki heyrt í henni. Ég mun ábyggilega heyra í henni á næstunni en vil bara leyfa henni að komast í gang aftur rólega og svo sjáum við til þegar að hún fer að sparka í bolta aftur,“ sagði Þorsteinn á fundi í dag eftir að hann valdi hóp sinn fyrir æfingamót í Bandaríkjunum.
„Ég fylgist bara með Instagram hjá henni og hún virðist ekki vera farin að sparka í bolta ennþá. Við leyfum henni bara að byrja á því áður en við tölum saman.“
