Lionel Messi hefur svo sannarlega ekki fundið taktinn með franska stórliðinu PSG eftir að hann gekk í raðir félagsins síðasta haust.

Tölfræði Messi í deildinni þar í landi er vægast sagt slök, þannig hefur Messi aðeins skorað eitt mark í tólf leikjum í deildinni.

Messi verður þó ekki sakaður um að reyna að skora ekki því hann hefur átt 44 tilraunir að marki andstæðinganna.

Aðeins ein hefur ratað í markið og er þetta næst versta tölfræðin í Evrópu þegar kemur að mörkum miðað við tilraunir.

Aðeins Joaa Cancelo bakvörður Manchester City hefur átt fleiri tilraunir að marki en aðeins skorað eitt mark. Cancelo hefur átt 46 tilraunir.

Messi kom frítt til PSG síðasta haust frá Barcelona en hann var neyddur til þess að yfirgefa Katalóníu vegna fjárhagsstöðu félagsins.