Stuðningsmaður Tottenham hefur verið handtekinn fyrir að hafa hrækt á öryggisvörð á meðan að leikur Leicester City og Tottenham í ensku úrvalsdeildinni fór fram í gærkvöldi.

Leiknum lauk með 2-3 dramatískum sigri Tottenham þar sem að sigurmark leiksins kom í uppbótartíma venjulegs leiktíma.

Samkvæmt talsmanni lögreglunnar í Leicesterskíri er hegðun stuðningsmannsins flokkuð sem áras og hann er enn í haldi lögreglunnar. ,,Honum er gefið að sök að hafa hrækt á öryggisvörð.“

Mikil fagnaðarlæti brutust út undir lok leiks þegar að Steven Bergwijn, skoraði sigurmarkið fyrir Tottenaham. Mikið kraðak skapaðist þar sem að stuðningsmenn Tottenham sátu á heimavelli Leicester, King Power vellinum og mátti sjá mikin troðning og öryggisverði falla til jarðar í fagnaðarlátunum.