Þau Robert Lewandowski og Alexia Puttelas voru í kvöld valin bestu leikmenn ársins að mati dómnefnd FIFA.
Emma Hayes, þjálfari kvennaliðs Chelsea, var valinn besti þjálfari ársins í kvennaflokki og Thomas Tuchel, þjálfari karlaliðs Chelsea var valinn þjálfari ársins í karlaflokki.
Alexia Putellas, leikmaður Barcelona á Spáni, hlaut Ballon d’or verðlaunin í fyrra og er almennt talin ein besta knattspyrnukona heims. Putellas, sem er 27 ára gömul, á farsælan feril að baki í fótboltanum en hún hefur unnið Meistaradeildina, spænsku úrvalsdeildina, spænska bikarinn og spænska ofurbikarinn.
Robert Lewandowski skoraði 41 mark fyrir Bayern Munchen á síðasta tímabili er liðið vann sinn níunda Þýskalandsmeistaratitil í röð. Þetta er annað árið í röð sem hann hlýtur verðlaunin.
Edouard Mendy var valinn markvörður ársins í karlaflokki og Christiane Endler, markvörður Lyon, hlaut verðlaunin í kvennaflokki.
Mark Erik Lamela gegn Arsenal var valið mark ársins í fyrra og danska landsliðið og þjálfarateymi hlaut háttvísisverðlaun fyrir skjót viðbrögð þegar Christian Eriksen hné niður í leiknum gegn Finnlandi á EM 2020.
Lið ársins má sjá hér að neðan.
FIFPro have named their men’s and women’s World XI for 2020/21! 🤩
— Sky Sports News (@SkySportsNews) January 17, 2022
