Rétt í þessu lauk fyrsta leik dagsins í ensku úrvalsdeildinni. Þar tók Manchester City á móti Chelsea í sannkölluðum stórleik. Leiknum lauk með 1-0 sigri Manchester City.
Fyrri hálfleikur var nokkurs konar skák á milli þjálfara liðanna. Liðin náðu bæði að koma sér nokkrum sinnum í álitlegar stöður en lítið var um dauðafæri. Chelsea varðist vel og leyfði sóknarmönnum Manchester City lítið að gera fram á við og var enn markalaust er flautað var til hálfleiks.
Manchester City var með betri stjórn á seinni hálfleiknum og Kevin De Bruyne braut ísinn á 70. mínútu með laglegu skoti vel fyrir utan teig. Þetta reyndist sigurmark leiksins og Manchester City styrkir stöðu sína í toppsætinu.
Manchester City er með 56 stig í 1. sæti en Chelsea er með 43 stig í 2. sæti.
Manchester City 1 – 0 Chelsea
1-0 Kevin De Bruyne (´70)
