Á vefsíðu The Sun í dag er birtur listi yfir fyrrum íþróttafólk sem hefur snúið sér að samfélagsmiðlum og miðlinum OnlyFans þar sem notendur geta selt efni sitt gegn gjaldi.
Ein af þessu íþróttafólki er hin breska Madelene Wright sem gekk í gegnum stormasaman tíma sem leikmaður enska knattspyrnufélagsins Charlton á sínum tíma.
Wright var látin fara frá félaginu eftir að myndband af henni fór í dreifingu á samfélagsmiðlum. Á myndbandinu mátti sjá hana í partýi sem og drekkandi kampavín á meðan að hún keyrði um á Range Rover bifreið.
Síðan þá hefur knattspyrnuferillinn ekki gengið upp hjá Madelene og því hefur hún snúið sér að samfélagsmiðlum og OnlyFans þar sem hún hefur grætt tá á fingri af því að bjóða áskrift af efni sem hún skaffar áskrifendum sínum. Í lýsingu á rás hennar þar segir ,,Andlit engils, hugsanir djöfuls.“
Madelene hóf feril sinn hjá Millwall en gekk síðan til liðs við Charlton. Hlutirnir gengu ekki upp hjá henni þar og nú virðist knattspyrnuferill hennar á enda, hún er enn án félags.
