Ísak Bergmann Jóhannesson samdi í síðustu viku við FC Kaupmannahöfn en þessi 18 ára íslenski miðjumaður hafði verið orðaður við mörg stórlið.
Manchester United, Liverpool og fleiri stórlið á Englandi höfðu sent útsendara sína til Svíþjóðar þar sem Ísak lék með IFK Norköpping.
„Það var mikið af sögusögnum, en ég ákvað það í byrjun að fara ekki til Manchester United, Juventus eða í annað stórt félag,“ segir Ísak við Sportbladet.
„Ég vil vera þar eftir tíu ár, þegar ég er 28 ára og verð á hátindi ferilsins.“
Ísak valdi því að taka minna skref á ferli sínum til að byrja með en hann var í byrjunarliði Íslands gegn Norður-Makedóníu á sunnudag.