Jamie Carragher er vonsvikinn að Liverpool hafi ekki styrkt liðið í sumar, sérstaklega fram á við, og telur að liðið geti átt í vandræðum ef lykilleikmenn meiðist.
Jurgen Klopp fékk aðeins inn einn leikmann í sumar og var það miðvörðurinn Ibrahima Konate. Liverpool missti þó nokkra leikmenn í þessum félagsskiptaglugga, þar á meðal Georginio Wijnaldum og Xherdan Shaqiri.
„Ég er vonsvikinn að Liverpool hafi ekki samið við sóknarmann,“ sagði Carragher við PA fréttastofuna.
„Ég held að Liverpool vanti ekki uppá framlínuna ef allir haldast heilir en það er enginn möguleiki á því. Ég tel að framlínan geti átt erfitt.“
„Mane og kannski Salah fara í Afríkukeppnina á einhverjum tímapunkti. Ég er ekki viss hversu mörgum leikjum þeir missa af en þetta var eitthvað sem Liverpool vissi af.“
„Þeir hafa Divock Origi og Takumi Minamino, en ég vildi einfaldlega einhvern betri til að skrifa undir hjá félaginu.“
