Það er stórleikur í Meistaradeild Evrópu á morgun þegar Manchester City heimsækir PSG, mikil eftirvænting er fyrir leiknum.
PSG mistókst að vinna Club Brugge í fyrstu umferð. Lionel Messi hefur verið lítillega meiddur en var á æfingu liðsins í dag.
Messi hefur glímt við smávægileg meiðsli á hné en stjóri City er einn af hans betri vinum, Pep Guardiola.
Guardiola og Messi áttu frábært samstarf hjá Barcelona þegar félagið var með eitt besta knattspyrnulið sögunnar.
City vann sannfærandi sigur á Leipzig í fyrstu umferð en rimman á morgun verður mjög áhugaverð.