Líkur eru á því að miðjumaðurinn knái Kristinn Freyr Sigurðsson yfirgefi Val nú þegar samningur hans er á enda. Samningur Kristin rennur út á næstu dögum.

„Það er svo sem ekkert komið á hreint, þetta er bara í skoðun og ætti að koma í ljós á næstu dögum,“ sagði Kristinn í samtali við 433.is í dag.

Samkvæmt öruggum heimildum 433.is hefur Kristinn fundaði með Óskari Hrafni Þorvaldssyni þjálfara Breiðabliks, fór sá fundur fram í síðustu viku.

Samkvæmt sömu heimildum hafa fleiri lið en Breiðablik áhuga á að krækja í miðjumanninn öfluga. Ekki er svo útilokað að Kristinn framlengi samning sinn við Val.

Kristinn hefur frá árinu 2021 spilað með Val hér á landi en árið 2017 lék hann með Sundsvall í Svíþjóð. Hann hefur spilað 276 leiki í deild og bikar á Íslandi og skorað í þeim 55 mörk.