Breiðablik þarf að treysta á að Víkingur misstígi sig gegn Leikni í síðustu umferð til að eiga möguleika á því að verða Íslandsmeistari. Breiðablik tapaði gegn FH um liðna helgi á meðan Víkingur vann dramatískan sigur á KR.
Breiðablik hefur tapað 19 stigum það sem af er sumri, ef liðinu tekst ekki að landa þeim stóra er ljóst að horft verður til baka og hugsað hvar hefði mátt gera betur.
Líklegast er að stuðningsmenn Breiðabliks, þjálfarar og leikmenn horfi í tap gegn Keflavík í lok júlí. Blikar spiluðu vel i Keflavík en komu ekki boltanum yfir línuna.
Jafntefli gegn FH í síðustu umferð hefði dugað liðinu til að halda toppsætinu fyrir lokaumferðina þar sem liðið mætir HK.
Tapleikir Blika:
Breiðablik 0 – 2 KR
Víkingur 3 – 0 Breiðablik
Valur 3 – 1 Breiðablik
Keflavík 2 – 0 Breiðablik
FH 1 – 0 Breiðablik
Jafntefli
Leiknir 3 – 3 Breiðablik
KR 1 – 1 Breiðablik
