Stuðningsmenn Borussia Dortmund eru ekki sáttir með nýjan búning sem liðið notar meðal annars í Meistaradeildinni. Stuðningsmenn félagsins eru reiðir yfir því að merki liðsins er mjög óáberandi á treyjunni.

Leikmenn Dortmund voru í treyjunni í Meistaradeildinni á þriðjudag er liðið sigraði Besiktas. Þrátt fyrir góða frammistöðu voru stuðningsmenn ósáttir við búninginn og fóru hamförum á samfélagsmiðlinum Twitter. Nú hefur framkvæmdastjóri Puma beðið stuðningsmenn afsökunar.

„Okkur þykir leiðinlegt að stuðningsmenn séu reiðir og við viljum biðjast afsökunar,“ sagði Bjorn Gulden.

„Við hlustum á ykkur og munum vanda okkur betur við búninga í framtíðinni.“