Nú er fjórum leikjum í lokaumferð Lengjudeildar karla lokið. Ljóst var fyrir umferðina hvaða lið fara upp í Pepsi Max deildina og hvaða lið fara niður. Fram og ÍBV hafa tryggt sér sæti í efstu deild en Víkingur Ó og Þróttur R. spila í 2. deild á næsta ári.
Fram vann góðan 6-1 sigur á Aftureldingu sem þýðir að liðið fer taplaust í gegnum mótið sem er ótrúlegur árangur. Arnór Gauti kom Aftureldingu yfir í leiknum en þá vöknuðu Framarar og skoruðu fjögur áður en flautað var til hálfleiks. Alexander Már Þorláksson bætti svo við tveimur í seinni hálfleik en hann skoraði alls fjögur í leiknum.
Víkingur Ó sigraði Grindavík 4-2 í fjörugum leik á Grindavíkurvelli. Þróttur og Þór áttust við í markaleik á Eimskipsvellinum þar sem Þór hafði betur. Þróttur komst í 2-0 í leiknum en leikmenn Þórs gáfust ekki upp og komu til baka og sigruðu 3-2.
Þá hafði Fjölnir betur gegn Selfyssingum á Jáverk-vellinum. Viktor Andri Hafþórsson skoraði eina mark leiksins.
Fram 6 – 1 Afturelding
0-1 Arnór Gauti Ragnarsson (´21)
1-1 Hlynur Atli Magnússon (´25)
2-1 Alexander Már Þorláksson (´36)
3-1 Alexander Már Þorláksson (´41)
4-1 Kyle McLagan (´45)
5-1 Alexander Már Þorláksson (´68)
6-1 Alexander Már Þorláksson (´75)
Grindavík 2 – 4 Víkingur Ó
0-1 Harley Willard (´5)
1-1 Josip Zeba (´6)
1-2 Bjartur Bjarni Barkarson (´29)
1-3 Kareem Isiaka (´43)
2-3 Gabriel Dan Robinson (´48)
2-4 Kareem Isiaka (´82)
Þróttur R. 2 – 3 Þór
1-0 Kairo Edwards-John (´5)
2-0 Sam Ford (´12)
2-1 Bjarni Guðjón Brynjólfsson (´15)
2-2 Bjarni Guðjón Brynjólfsson (´57)
2-3 Fannar Daði Malmquist Gíslason (´61)
Selfoss 0 – 1 Fjölnir
0-1 Viktor Andri Hafþórsson (´65)