Sjö leikjum er nýlokið í fyrstu umferð riðlakeppni Evrópudeildarinnar.
Bröndby 0-0 Sparta Prag
Rangers 0-2 Lyon
Lyon vann Rangers. Leikið var í Skotlandi.
Karl Toko Ekambi kom gestunum yfir um miðjan fyrri hálfleik. Á 55. mínútu setti James Tavernier, leikmaður Rangers, boltann í eigið net.
Monaco 1-0 Sturm Graz
Krepin Dieatta skoraði eina mark leiksins í heimasigri Monaco gegn Sturm Graz. Það kom á 66. mínútu.
PSV 2-2 Real Sociedad
PSV og Real Sociedad gerðu jafntefli í markaleik. Leikið var á heimavelli fyrrnefnda liðsins.
Mario Götze kom PSV yfir eftir rúman hálftíma leik. Á 34. mínútu jafnaði Adnan Januzaj fyrir gestina og stuttu síðar var Alexander Isak búinn að snúa leiknum við fyrir þá.
Cody Gakpo jafnaði fyrir PSV á 54. mínútu.
Leicester 2-2 Napoli
Leicester og Napoli gerðu jafntefli þar sem gestirnir frá Ítalíu gerðu vel í að koma til baka.
Ayoze Perez kom heimamönnum yfir á 9. mínútu. Það reyndist eina mark fyrri hálfleiks.
Harvey Barnes tvöfaldaði forystu Leicester á 64. mínútu. Stuttu síðar minnkaði Victor Osimhen muninn fyrir Napoli. Hann jafnaði leikinn svo með öðru marki sínu á 87. mínútu.
Frankfurt 1-1 Fenerbahce
Mesut Özil kom Fenerbahce yfir gegn Frankfurt á 10. mínútu. Sam Lammers jafnaði metin skömmu fyrir leikhlé.
Olympicacos 2-1 Royal Antwerp
Olympiacos vann Royal Antwerp á heimavelli.
Youssef El Arabi kom þeim yfir á 52. mínútu. Mbwana Samatta jafnaði metin fyrir gestina á 75. mínútu.
Á 87. mínútu gerði Oleg Reabciuk svo sigurmark Olympiacos.
Jelle Bataille, leikmaður Royal Antwerp, nældi sér í rautt spjald í lok leiks.