Helgi Sigurðsson mun láta af störfum sem þjálfari ÍBV þegar tímabilinu í Lengjudeild karla lýkur. ÍBV er komið aftur upp í efstu deild karla.
Helgi er að stýra ÍBV á sínu öðru tímabili en það kom fram í hlaðvarpsþáttunum The Mike Show og Dr. Football í gær að hann væri að hætta.
Tíðindin koma mörgum á óvart enda tryggði ÍBV sig aftur upp í efstu deild á laugardag.
Kristján Óli Sigurðsson sérfræðingur Dr. Football sagði Eyjamenn skoða það að ráða Heimi Hallgrímsson til starfa. Heimir lét af störfum hjá Al-Arabi í Katar í sumar.
Heimir er frá Vestmannaeyjum og var þjálfari ÍBV áður en hann tók við starfi hjá íslenska landsliðinu í árið 2011. Hermann Hreiðarsson þjálfari Þróttar í Vogum er einnig orðaður við starfið.