Liverpool og Leeds mættust á Elland Road í Leeds í fjórðu umferð ensku úrvalsdeildarinnar í dag.
Liverpool menn byrjuðu leikinn af krafti og náðu forystunni á 20. mínútu þegar að Mo Salah skoraði hundraðasta mark sitt í ensku úrvalsdeildinni eftir stoðsendingu frá Trent Alexander-Arnold.
Fabinho kom Liverpool í 2-0 í upphafi seinni hálfleiks þegar hann potaði boltanum í netið eftir hornspyrnu.
Pascal Strujik var rekinn af velli í liði Leeds eftir tæklingu á ungstirninu Harvey Elliott. Elliott virtist sárþjáður og var borinn af velli af sjúkraliðum áður en Jordan Henderson kom inn á í hans stað.
Sadio Mané skoraði þriðja mark Liverpool í uppbótartíma og þar við sat.
Liverpool er á toppi deildarinnar ásamt Man Utd og Chelsea með 10 stig eftir 4 leiki. Leeds er í 17. sæti með 4 stig.
Leeds 0 – 3 Liverpool
0-1 Mo Salah (’20)
0-2 Fabinho (’50)
0-3 Sadio Mané (90+2)
