Paris Saint-Germain hefur áhuga á því að fá Kalidou Koulibaly, miðvörð Napoli, til liðs við sig. Le 10 Sport segir frá þessu.
Hinn þrítugi Koulibaly hefur verið á mála hjá ítalska félaginu frá árinu 2014. Hann hefur þó oft verið orðaður við stærri félög án þess þó að nokkuð verði af félagaskiptum.
Nú gæti Napoli hins vegar neyðst til að selja hann. Fjárhagsstaða félagsins er ekki sögð góð.
Real Madrid og Everton fylgjast einnig með gangi mála hjá Senegalanum.
Koulibaly myndi gera ógnarsterkt lið PSG enn betra. Parísarliðið hefur fengið til sín leikmenn á borð við Achraf Hakimi, Gianluigi Donnarumma, Sergio Ramos og Gini Wijnaldum í sumar.
Þá hefur Paul Pogba, miðjumaður Manchester United, einnig verið orðaður við PSG í sumar.