Hjá Manchester City eru menn vongóðir um það að landa Harry Kane í sumar. The Athletic fjallar um málið.
Hinn 28 ára gamli Kane hefur verið orðaður við Englandsmeistaranna í allt sumar. Tilboði félagsins upp á 100 milljónir punda var hafnað í júní.
Framherjinn hefur nú skrópað á æfingu hjá Tottenham tvo daga í röð. Hann virðist ekki hafa í hyggju að leika aftur fyrir félagið. Man City telur sig geta nýtt sér þá stöðu.
Kane hefur verið einn af bestu framherjum heims undanfarin ár. Hann hefur þó aldrei unnið stóran titil. Metnaðurinn hans virðist felast í því að fara annað til að lyfta nokkrum slíkum á þessum tímapunkti ferilsins.