Fylkir hefur samið við danska sóknarmanninn Malthe Rasmussen út leiktíðina. Félagið staðfestir þetta.
Rasmussen er 24 ára gamall. Hann kemur til Fylkis frá VSK Aarhus í Danmörku.
Hann hefur einnig leikið með Middelfart og Kolding í Danmörku.
Fylkir er í níunda sæti Pepsi Max-deildarinnar með 14 stig. Liðið er 4 stigum fyrir ofan fallsvæðið.
Fylkir mætir Leikni Reykjavík klukkan 19:15 í kvöld.