Stjórn Manchester United sér mikið eftir samningnum sem David de Gea gerði við Manchester United árið 2019. Sá samningur gerði leikmanninn að launahæsti leikmanni félagsins.
Áður en hann skrifaði undir hafði hann verið í viðræðum við félagið í tæp tvö ár og átti lítið eftir af samning. Stjórn Manchester United sér nú mikið eftir þessum samningi samkvæmt The Athletic. Þetta leiddi ekki bara til vandræða í fjármálum félagsins heldur hefur De Gea ekki sýnt sitt gamla form eftir að hann skrifaði undir.
Nú er félagið í svipaðri stöðu með franska miðjumanninn Paul Pogba en hann á eitt ár eftir hjá Manchester United. Þetta þýðir að leikmaðurinn getur farið á frjálsri sölu næsta sumar.
Félagið er ekki talið vilja hækka hann í launum og gera hann að launahæsta leikmanni liðsins og gera sömu mistök og með De Gea. Manchester United er því að íhuga hvort það væri best að selja hann í sumar.