Joey Barton hefur verið ákærður fyrir ofbeldi gegn eiginkonu sinni sem tilkynnti um höfuðáverka. Hann mætir fyrir rétt vegna málsins á morgun.
Barton er knattspyrnustjóri Bristol Rovers á Englandi. Liðið leikur í D-deildinni á næstu leiktíð.
Á sínum tíma sem atvinnumaður lék Barton með liðum á borð við Marseille, Manchester City og Newcastle, svo eitthvað sé nefnt. Þá á hann að baki einn landsleik fyrir Englands hönd.
Þetta mál er alls ekki það fyrsta sem Barton kemur sér í vandræði fyrir. Hann fékk til að mynda dóm árið 2008 fyrir að ráðast á liðsfélaga sinn hjá Man City á æfingu. Þá sat hann inni fyrir aðra líkamsárás það sama ár.
Auk þess var Barton sífellt að koma sér í vandræði inni á knattspyrnuvellinum sjálfum, er hann var leikmaður á sínum tíma, fyrir slæma hegðun sína.