Manchester United hefur nú þegar bætt við sig á félagsskiptamarkaðnum í sumar en United menn eru hvergi hættir ef marka má nýjustu sögusagnir. Ole Gunnar Solskjaer kom hrikalega nálægt því að vinna sinn fyrsta titil sem þjálfari hjá félaginu en þeir rauðklæddu töpuðu í vítaspyrnukeppni gegn Villareal í úrslitaleik Evrópudeildarinnar á síðasta tímabili.
Solskjaer vill styrkja lið sitt og blanda sér almennilega í titilbaráttuna á næstu leiktíð en liðið endaði í 2. sæti í fyrra, 12 stigum á eftir Manchester City. United hefur þegar fest kaup á Jadon Sancho en eru líklegir til að bæta við sig miðverði, en Raphael Varane, leikmaður Real Madrid er sagður ofarlega á óskalista félagsins. United hefur líka verið orðað við Declan Rice sem átti frábært EM 2020. Þessir þrír leikmenn eru líklegir til að kosta félagið um 200 milljónir punda en gæti gert það sigurstranglegt í titilbaráttunni.
Búist er við að Dean Henderson verði byrjunarliðsmarkvörður en David De Gea var mikið gagnrýndur eftir tap United í úrslitaleiknum. Spánverjinn missti einnig sæti sitt í landsliðinu á EM en Unai Simon var valinn í hans stað. Wan-Bissaka og Luke Shaw halda sætum sínum í liðinu þrátt fyrir orðróma um að Kieran Trippier sé á lið til Manchester í sumar. Þá ætti Declan Rice að byrja djúpur á miðjunni fyrir aftan þá Paul Pogba og Bruno Fernandes. Cavani verður þá einn frammi og Rashford og Sancho á köntunum.
Mögulegt byrjunarlið Manchester United á næstu leiktíð: Henderson; Wan-Bissaka, Varane, Maguire, Shaw; Rice, Pogba, Fernandes; Rashford, Sancho, Cavani.