Valur endurheimti toppsætið af Breiðablik í efstu deild kvenna í fótbolta í kvöld. Valskonur unnu 6-1 sigur gegn Þrótti R. á Origo vellinum.
Ída Marín Hermannsdóttir kom Val yfir á 18. mínútu eftir góða stungusendingu frá Cyeru Makenzie Hintzen. Guðrún Gyða Haralz jafnaði fyrir Þrótt R. á 33. mínútu en Mary Alice Vignola skoraði gegn sínum gömlu liðsfélögum á 44. mínútu. Staðan 2-1 fyrir Val í hálfleik.
Lára Kristín Pedersen skoraði þriðja mark Vals á 57. mínútu. Elín Metta bætti við fjórða markinu á 68. mínútu og Arna Eiríksdóttir og Clara Egilsdóttir skoruðu fimmta og sjötta mark Vals á 80. og 92. mínútum leiksins. 6-1 sigur niðurstaða.
Valur situr á toppi deildarinnar með 26 stig eftir 11 leiki, tveimur stigum á undan Breiðablik í öðru sæti.
Stjarnan vann 2-1 útisigur á Keflavík í öðrum leik kvöldsins sem hófst klukkan 20:00. Alma Mathiesen kom Stjörnunni yfir á 5. mínútu. Aerial Chavarin jafnaði fyrir Keflavík átta mínútum fyrir lok fyrri hálfleiks. Það var svo Arna Dís Arnþórsdóttir sem tryggði Stjörnunni sigurinn á 85. mínútu.
Stjarnan er í 4. sæti með 16 stig eftir 11 leiki. Keflavík er í næst neðsta sæti með 9 stig, tveimur stigum á eftir Tindastóli í 8. sæti.
Lokatölur:
Valur 6 – 1 Þróttur R.
Keflavík 1 – 2 Stjarnan
0-1 Alma Mathiesen (‘5)
1-1 Aerial Chavarin (’37)
1-2 Arna Dís Arnþórsdóttir (’85)
