Grindavík og Þór gerðu jafntefli á heimavelli fyrrnefnda liðsins í Lengjudeild karla í kvöld. Leikurinn var liður í 12. umferð.
Birgir Ómar Hlynsson kom gestunum yfir eftir hálftíma leik.
Jóhann Helgi Hannesson tvöfaldaði svo forystu þeirra á 53. mínútu.
Aron Jóhannsson minnkaði muninn fyrir Grindvíkinga þegar 20 mínútur lifðu leiks.
Sigurður Bjartur Hallsson jafnaði svo metin á 76. mínútu. Lokatölur 2-2.
Grindavík er í fjórða sæti deildarinnar með 20 stig eftir tólf leiki. Liðið er 3 stigum á eftir ÍBV, sem er í öðru sæti.
Þór er í sjöunda sæti með 16 stig eftir að hafa leikið tólf leiki. Liðið siglir nokkuð lignan sjó.