Gylfi Sigurðsson knattspyrnumaður sem leikur með Everton og íslenska landsliðinu hefur gert fjögurra og hálfs árs samning við STATE Energy, danskt drykkjarvörufyrirtæki sem er meðal annars í eigu knattspyrnumannsins Christian Eriksen og tenniskonunnar Caroline Wozniacki.
STATE sem var stofnað árið 2014 framleiðir drykki sem eru þróaðir af íþrótta- og næringarfræðingum og fremsta íþróttafólki heims. Gylfi bætist í hóp fjölmargs heimsþekkts íþróttafólks sem nú þegar vinnur með fyrirtækinu.
„Ég er stoltur af því að vera orðinn hluti af STATE liðinu. STATE drykkirnir eru hannaðir af afreks íþróttafólki og öðrum sérfræðingum. Þeir hafa minni áhrif á blóðsykur en venjulegir sykraðir orkudrykkir og hjálpa þannig íþróttafólk og öðrum að ná hámarksárangri. Ég hlakka til að taka þátt í að kynna þessa frábæru drykki fyrir Íslendingum,“ segir Gylfi Þór í yfirlýsingu.
Drykkurinn hefur notið mikilla vinsælda í Danmörku og vonast forráðamenn State Energy eftir því að nafn og andlit Gylfi komi drykknum á kortið á Íslandi.