Hjörtur Hermannsson, landsliðsmaður Íslands í knattspyrnu, er að ganga til liðs við þýska B-deildarfélagið Hamburger samkvæmt heimildum mbl.is.
Hjörtur er án félags eftir að samningur hans við Bröndby rann út en Hjörtur ákvað að framlengja ekki samning sinn.
Hjörtur er 26 ára gamall en hann ólst upp hjá Fylki, Hjörtur hefur verið í herbúðum Bröndby í fimm ár.
Hjörtur fór ungur að árum til PSV í Hollandi en hann á að baki 22 A-landsleiki og hefur í þeim leikjum skorað eitt mark.
Hjörtur var virkilega öflugur í síðasta landsleikjaglugga þar sem hann var í stóru hlutverki í þremur leikjum.
