Tottenham hefur hætt við að ráða Gennaro Gattuso til starfa sem þjálfara félagsins en stuttar viðræður hafa tekið enda.
Gattuso hætti sem þjálfari Fiorentina í vikunni eftir 22 daga í starfi, hann stýrði aldrei einum einasta leik.
Leit Tottenham að næsta stjóra félagsins heldur áfram en 62 dagar eru síðan að félagið rak Jose Mourinho. Þangað til í gær var talið að Paulo Fonseca væri að taka við en af því verður ekki, Gattuso kom þá til sögunnar en það var fljótt að verða að engu.
Félagið hefur rætt við fjöldann allan af mönnum sem hafa ekki viljað taka starfið eða Tottenham hætt við.
Tottenham skoðar nú aðra kosti en Scott Parker fyrrum leikmaður félagisns og stjóri Fulham er orðaður við stöðuna.