Bruno Fernandes, leikmaður Manchester United, er um þessar mundir að spila á Evrópumótinu í fótbolta með Portúgal. Portúgal er í dauðariðlinum með Frakklandi, Þýskalandi og Ungverjalandi.
Liðsfélagi hans hjá Manchester United, Paul Pogba, er í franska landsliðinu og var hann valinn maður leiksins eftir leik þeirra gegn Þýskalandi í gær. Bruno óskaði honum til hamingju en varaði hann við.
„Glaður fyrir þína hönd, en aðeins maður leiksins í dag,“ skrifaði Bruno og gaf í skyn að Pogba yrði ekki maður leiksins í leik Frakklands og Portúgal.
Portúgal og Frakkland mætast þann 23. júní og verður skemmtilegt að fylgjast með félögunum kljást inni á vellinum.
