KR-ingar mættu Leiknismönnum í Breiðholtinu í gær. KR sigraði leikinn með tveimur mörkum gegn engu en seinna mark KR vakti mikla athygli.

Þá vippaði Kristján Flóki Finnbogason boltanum yfir Guy Smit í marki Leiknis og stefndi boltinn í netið. Þá mætti Kjartan Henry Finnbogason og potaði boltanum yfir línuna og fær markið þar af leiðandi skráð á sig.

Þetta var annað mark Kjartans á tímabilinu en Flóki þarf að bíða ögn lengur eftir sínu fyrsta marki.

„Hahaha sjá Kjartan þarna! Stelur markinu af (Kristjáni) Flóka (Finnbogasyni). Þetta er markagræðgi! Ægir með frábæra sendingu inn á Flóka sem klárar listilega með vippu en Kjartan gráðugur á línunni og á síðustu snertingu!! Spurning með rangstöðu samt á Kjartan??“ var skrifað í textalýsingu fotbolti.net í gær. 

Markið sem um ræðir má sjá hér fyrir neðan.