Leikmenn Breiðabliks og Vals voru bólusettir í dag og fengu þeir bóluefnið frá Janssen. Frá þessu er greint á vef Fótbolta.net.
Að auki voru þeir leikmenn FH sem ekki höfðu fengið bólusetningu boðaðir og mættu. Þetta fékk 433.is staðfest.
Með bóluefni Jansen fá leikmenn þessara félaga fulla vörn gegn veirunni innan fárra daga. Athygli vekur þó tímasetningin á sprautunni.
Talsvert hefur verið um veikindi hjá fólki eftir sprautuna frá Jansen en öll lið eiga leik í efstu deild karla á laugardag.
Félögin fá forgang í bólusetningu vegna þátttöku í Evrópukeppni en liðin halda út í næsta mánuði en þurfa þá ekki að fara í sóttkví við heimkomu.
Breiðablik mætir þá Fylki og Valur heimsækir Stjörnuna, FH-ingar mæta svo Víkingum.