Leit Tottenham að næsta knattspyrnustjóra hefur gengið brösulega og hafa nokkrir kostir gefið frá sér starfið. Julian Nagelsman tók við Bayern, Erik ten Hag framlengdi samning sinn við Ajax og Brendan Rodgers stjóri Leicester hefur afþakkað starfið.
Samkvæmt frétt Corriere dello Sport á Ítalíu hefur Tottenham nú opnað samtali við Antonio Conte þjálfara Inter Milan.
Inter varð ítalskur meistari í vikunni en Conte var áður stjóri Chelsea og gerði liðið að enskum meistara, hann var ári síðar rekinn úr starfi.
Tottenham rak Jose Mourinho úr starfi fyrir rúmum tveimur vikum síðan en Ryan Mason tók við þjálfun liðsins út tímabilið. Litlar líkur eru á að hinn 29 ára gamli fái starfið til framtíðar.
Forráðamenn Tottenham vilja ganga frá ráðningu á næstu vikum en þeirra gamli maður, Jose Mourinho hefur tekið við þjálfun Roma.
