Fjölmiðlamaðurinn Benedikt Bóas Hinriksson fór mikinn í sjónvarpsþætti 433 sem var sýndur á Hringbraut klukkan 20:00 í gær. Benedikt gerði þar upp fyrstu umferð efstu deildar karla og hann er ekki sáttur með unga menn í deildinni.
Aðeins sjö mörk voru skoruð í fyrstu umferð deildarinnar og komu þau öll frá mönnum í eldri kantinum. Meðaaldur markaskorara var 32,6 ár sem er í hærri kantinum.
„C´mon. Alltof margir ungir fótboltamenn fara út af við minnsta högg, það er svo auðvelt að vera meiddur á Íslandi ef þú ert meiddur þá þarftu ekki að taka neina ábyrgð,“ sagði Benedikt Bóas um ungu drengina sem voru í felum í þessari fyrstu umferð.
Benedikt segir að unga fólkið í dag vilji helst ekki taka ábyrgð á neinu og það sjáist víða. „Þú sérð þetta í skólakerfinu, þú sérð þetta á vinnustöðum. Ég skil alveg að þetta er kölluð Cocoa Puffs kynslóðin, þetta er alltaf grenjandi,“ sagði Benni.
Þórir Jóhann Helgason miðjumaður FH átti frábæran leik í fyrstu umferð en hann er aðeins tvítugur. „Hvaða ungu menn eru að stíga upp? Þórir Jóhann í FH var frábær, þeir eru ekki mikið fleiri.“
Umræðuna má sjá hér að neðan.