Mikil mótmæli stuðningsmanna Manchester United fyrir utan heimavöll liðsins, Old Trafford í fyrradag, urðu til þess að leik United og Liverpool í ensku úrvalsdeildinni var frestað.
Mikill fjöldi stuðningsmanna Manchester United safnaðist saman og ruddi sér leið inn á völlinn, braut og bramlaði, með fyrrgreindum afleiðingum. Ástæða mótmælanna var sú að stuðningsmennirnir vilja að Glazer-fjölskyldan, eigendur Manchester United, selji félagið.
Einn þeirra sem braust inn á völlinn ákvað að stela hornfánanum af vellinum en nú hafa birst myndir af honum setja hvítt duft úr poka á hornfánann, telja ensk blöð að um sé að ræða kókaín.
Stuðningsmenn United létu öllum illum látum, þeir skemmdu hluti á vellinum og tökubúnað sem Sky Sports sjónvarpsstöðin var með á vellinum.
Myndir af því þegar stuðningsmaðurinn setur hvíta duftið á hornfánann og sýgur það upp í nefið eru hér að neðan.