Brighton tók á móti Leeds í ensku úrvalsdeildinni í dag. Heimamenn unnu 2-0 sigur gegn liði Leeds sem var ekki á deginum sínum.
Brighton komst yfir með marki Pascal Gross úr vítaspyrnu á 14.mínútu. Brotið hafði verið á Danny Welbeck inni í teig.
Leeds var mikið með boltann það sem eftir lifði fyrri hálfleiks en tókst ekki að skapa sér almennileg færi. Þá hefði Brighton getað tvöfaldað forystuna fyrir leikhlé. Staðan í hálfleik var 1-0 fyrir heimamenn.
Það vantaði kraftinn í Leeds til að jafna í seinni hálfleik og Brighton kláraði leikinn þegar rúmar tíu mínútur lifðu leiks. Þá afgreiddi Welbeck boltann smekklega í netið.
Brighton er í fjórtánda sæti með 37 stig, 10 stigum fyrir ofan fallsvæðið. Leeds er í níunda sæti með 47 stig.