„Þetta snýst bara um peninga og græðgi. Þetta hljómar alls ekki vel. Þetta þarf að stoppa í fæðingu þar sem þetta er brjálæðisleg græðgi,“ sagði Roy Keane á Sky Sports þegar hann var spurður út í áform nokkurra félaga á Englandi, Spáni og Ítalíu að stofna nýja evrópska Ofurdeild.
Micah Richards var fullkomlega sammála Keane og hafði þessu við að bæta:
„Hvað gerist fyrir aðdáendur klúbbanna og minningarnar sem hafa orðið til í gegnum árin. Á bara að gleyma því fyrir peninga? Svona er fótboltinn því miður orðinn og það er algjör skömm af því.“
FIFA, UEFA og deildirnar á Englandi, Spáni og Ítalíu hafa fordæmt plön þessara félaga og munu banna leikmönnum liðanna að taka þátt í keppnum á vegum sambandanna.
Gary Neville hefur sömu sögu að segja:
„Ég er aðdáandi Manchester United en mér býður við þessu. Það kemur mér sérstaklega á óvart að klúbbur eins og Liverpool sem segir að allir standi saman taki þátt í þessu.“
„Þetta er algjörlega ógeðslegt. Þetta er bara græðgi og ekkert annað. Eigendur liðanna hugsa ekkert um sögu liðanna og aðdáendur með þessari ákvörðun. Þetta er ógeðslegt. Dragið af þeim stig. Sektið þá. Refsið þeim. Það þarf að vernda aðdáendurna,“ sagði Gary Neville á Sky Sports.
Hér að neðan má horfa á umræðu Keane og Richards og ræðu Gary Neville um Ofurdeildina.
🗣 „It’s an absolute disgrace.“
Roy Keane & @MicahRichards give their reaction to clubs signing up to the proposed European Super League pic.twitter.com/14ZFOd7WhA
— Football Daily (@footballdaily) April 18, 2021
😡 | „I’m a #MUFC fan and I’m absolutely disgusted.“
💥 | „They are an absolute joke.“@GNev2 gives a brutally honest reaction to reports that England’s biggest clubs are expected to be part of plans for a breakaway European Super League. pic.twitter.com/VfJccHgybc— Sky Sports Premier League (@SkySportsPL) April 18, 2021
