Brotist var inn á heimili Chris Smalling í nótt, vopnaðir menn ruddust þá inn á heimili varnarmannsins sem nú leikur með Roma á Ítalíu.

Það var um klukkan 05:00 í nótt þegar menn með byssu mættu inn á heimili Smalling og vöktu hann, eiginkonu hans og ungt barn þeirra.

Mennirnir miðuðu byssum sínum að Smalling og heimtuðu að fá fjármuni og verðmæti. Fjölskyldan býr í Appia Antica hverfinu í Róm.

Smalling lét mennina fá Rolex úr og skartgripi sem eru afar verðmætir, unnusta Smalling og tveggja ára sonur þeirra horfðu á mennina með byssurnar miða þeim að Smalling á meðan hann týndi til verðmæti.

Fjölskyldan er sögð í gríðarlegu áfalli en Sam, eiginkona hans hringdi á lögregluna eftir að mennirnir hurfu á brott. Rannsókn vegna málsins er hafin.

Smalling lék áður með Manchester United en varnarmaðurinn er meiddur og gat ekki leikið gegn Ajax í Evrópudeildinni í gær, Roma mætir Manchester United í undanúrslitum.