Burnley hefur hafið formlega rannsókn á morðhótunum og hótunum um gróft ofbeldi í garð Erik Pieters leikmanns félagsins og fjölskyldu hans. Hótanirnar komu eftir 1-1 jafntefli liðsins við Arsenal á sunnudag. Jóhann Berg Guðmundsson var í byrjunarliði Burnley í leiknum.
Hótanirnar hafa flestar komið í gegnum Instagram og við færslu þar sem Pieters er með unnustu sinni.
Hótanirnar hafa beinst að eiginkonu hans og ófæddu barni þeirra sem hún gengur með. Málið er litið alvarlegum augum.
Pieters var í sviðsljósinu gegn Arsenal en hann fékk boltann í höndina í stöðunni 1-1 en enginn vítaspyrna var dæmd.
Skömmu síðar bjargaði Pieters á línu en dómari leiksins dæmdi vítaspyrnu og rak Pieters af velli fyrir að handleika knöttinn. Eftir að VAR hafði skoðað atvikið kom í ljós að boltinn fór í öxl varnarmannsins og því var dómurinn afturkallaður.
Í skilaboðum til Pieters var því haldið fram að unnusta hans væri að halda framhjá honum og að hún myndi taka helming eigna hans eftir að ferilinn væri á endi.
Pieters w