Kærustur og eiginkonur leikmanna Southampton eru í sálfræðistarfi þegar leikmenn liðsins koma heim. Ralph Hasenhuttl stjóri liðsins ráðleggur leikmönnum sínum að létta á sér þegar þeir koma heim.
Vegna COVID-19 eru sálfræðingar og aðrir aðilar ekki í kringum leikmannahópana, búbblur leikmanna eru lokaðar og ekki hægt að hleypa fólki inn og út.
Southampton er í frjálsu falli og væri í eðlilegu árferði með sálæfræðinga á svæðinu til að hjálpa leikmönnum við andlegu hliðina.
„Þessa stundina eru sálæfræðingar okkar bara konurnar þegar við komum heim. Við fáum ekki leyfi til að hitta neinn,“ sagði Ralph Hasenhuttl stjóri Southampton.
„Í búblunni okkar þá er færra fólk og þessa stundina er mjög erfitt að fá sálfræðing inn í það. Það er hægt að hitta þá á Zoom en ég reyni líka að vera í hlutverki sálfræðings.“
„Þeir geta þurft faðmlag og þá er gott að ræða við konuna.“